Noxudun tərkibindəki antioksidantlar, vitaminlər və minerallar orqanizmdəki iltihabı azaldaraq dolayısı ilə ağciyərlərin qorunmasına kömək edir. 

Foodinfo.az xəbər verir ki, A, C, E vitaminləri və sink kimi maddələr sərbəst radikallarla mübarizə apararaq ağciyər toxumasını zərərdən qoruyur.

Noxudda olan maqnezium və bitki mənşəli birləşmələr nəfəs yollarında iltihabın azalmasına dəstək olur. Bu, astma və bronxit kimi problemlərin simptomlarını yüngülləşdirməyə kömək edir.

İmmunitet gücləndirici təsiri sayəsində orqanizmi tənəffüs yolu infeksiyalarından qorumağa yardım edir. Liflə zəngin olması isə bədən detoksunu və ümumi sağlamlığı dəstəkləyir.