Kətan toxumu son illərdə həm pəhriz, həm də sağlamlıq baxımından diqqət mərkəzində olan super qidalardan birinə çevrilib. Foodinfo.az bildirir ki, tərkibindəki omeqa-3 yağ turşuları və yüksək lif tərkibi sayəsində kətan toxumu həzm sistemini aktivləşdirir və bağırsaqların təmizlənməsinə kömək edir. 

Gündə bir çay qaşığı kətan toxumu yoqurt, smuzi və ya salatlarla birlikdə istifadə olunduqda uzunmüddətli toxluq hissi yaradır. Təbii antioksidantlarla zəngin olan bu toxum xolesterini balanslaşdırır və damar sağlamlığını qoruyur. Qəbizlik problemi yaşayan şəxslər üçün effektiv və zərərsiz bir həll sayılır. 

Sümük sağlamlığı üçün vacib olan maqnezium və kalsiumla da zəngin olan bu məhsul gündəlik vitamin ehtiyacını təbii şəkildə tamamlayır. 

Toxum üyüdülərək istifadə olunduqda bədən tərəfindən daha yaxşı mənimsənilir. İstənilən yeməyə asanlıqla əlavə edilə bilməsi onu gündəlik istifadəyə uyğun edir. Kətan toxumu həm təbii enerjini artırır, həm də bədəni yüngülləşdirir. Sağlamlıq yolunda sadə, amma güclü dəstəkdir.