Banan təkcə doyumlu və enerji ilə zəngin qida deyil, həm də təbii olaraq əhval-ruhiyyəni yaxşılaşdıran nadir meyvələrdəndir. Foodinfo.az bildirir ki, bananın tərkibindəki triptofan adlı amin turşusu beyində serotonin ifrazını artıraraq pozitivlik hissi yaradır. Kalium və maqneziumla zəngin olan bu meyvə sinir sistemini sakitləşdirir və stresin azalmasına səbəb olur. 

Səhər yeməyində və ya günorta saatlarında banan yemək bədəni enerjiləndirir və konsentrasiyanı artırır. Qan təzyiqinin sabit saxlanmasına yardım edən bu meyvə eyni zamanda ürək ritmini tənzimləyir. Uşaqlar üçün həm təbii qəlyanaltı, həm də vitamin mənbəyi kimi təqdim edilə bilər. 

Fiziki aktivlikdən əvvəl istifadə edildikdə əzələləri qoruyur və əzələ yorgunluğunun qarşısını alır. Həddindən artıq şirin olmadan doyumlu olması onu pəhrizlərdə də ideal məhsula çevirir. Təbii qabığında daşınması və saxlanması rahat olan banan hər an əlçatan sağlam seçimdir.