Günəbaxan tumu qida baxımından zəngin olsa da, kalorisi yüksək bir çərəzdir. 100 qramı təxminən 550–600 kalori ehtiva edir. Bu səbəblə nəzarətsiz və çox miqdarda yeyildikdə kökəlməyə səbəb ola bilər.

Foodinfo.az xəbər verir ki, tərkibində yaxşı yağlar (xüsusilə doymamış yağ turşuları), E vitamini, maqnezium, fol turşusu və lif olduğuna görə sağlamlıq üçün faydalı olsa da, porsiya ölçüsünə diqqət edilməlidir. 

Əgər tum duzlu və qovrulmuş formada qəbul edilirsə, bu zaman qan təzyiqinin artması və böyrək yüklənməsi kimi əlavə risklər də yarana bilər. Belə hallarda az duzlu, qovrulmamış (xam) formada yemək daha uyğundur.

Günəbaxan tumu ölçülü yeyildikdə faydalıdır, lakin çox miqdarda və müntəzəm şəkildə istehlakı artıq kalori yığılmasına və kökəlməyə səbəb ola bilər.