Azərbaycanda şirkətlərə “halal” sertifikatını Qida Təhlükəsizliyi Agentliyi verəcək.
Bu barədə Foodinfo.az-ın sorğusuna cavab olaraq Agentliyin Kommunikasiya və informasiya texnologiyaları şöbəsindən bildirilib.
“Hazırda Azərbaycan Respublikasının qanunvericiliyinə uyğun olaraq Qida Təhlükəsizliyi Agentliyinin hüquqi bazası yaradılır. Sahibkarlar “halal” sertifikatı hələ ki, əvvəlki qaydada almağa davam edirlər. Agentliyin hüquqi bazası formalaşdıqdan və tam fəaliyyətə başladıqdan sonra bu sertifikat Qida Təhlükəsizliyi Agentliyi tərəfindən veriləcək”, - deyə, Qida Təhlükəsizliyi Agentliyindən Foodinfo.az-a bildirilib.
Qeyd edək ki, hazırda şikətlərə “halal” sertifikatını “AzeSert Halal” sertifikatlaşdırma orqanı verir.
Xatırladaq ki, Qida Təhlükəsizliyi Agentliyi Prezident İlham Əliyevin 10 fevral 2017-ci il fərmanı ilə yaradılıb. Agentliyin sədri Qoşqar Təhməzlidir.
Foodinfo.az
Son xəbərlər
- Yeməkləri birdəfəlik qablarda qızdırmaq təhlükəlidirmi?
- COP29-la bağlı vergi güzəştlərinin tətbiq edilməsi təsdiqlənib
- Mayın 21-i Beynəlxalq Çay Günüdür
- Bu əlamət diabeti göstəricisi ola bilər
- Ən yaxşı qəlyanaltı: Hər gün xurma yeyin ki...
- Ötən il idxal edilən 49 əkin və səpin materiallarında zərərli orqanizmlər aşkarlanıb