Azərbaycanda Qida Təhlükəsizliyi Agentliyinin yaradılması məhsul üzərində onun hərəkəti boyunca nəzarəti həyata keçirməyə imkan verəcək.
Bunu jurnalistlərə müsahibəsində kənd təsərrüfatı naziri Heydər Əsədov deyib.
Nazir qeyd edib ki, dünyada qida təhlükəsizliyinin önəmi son illər əhəmiyyətli dərəcədə artıb. Buna adekvat olaraq Prezident İlham Əliyevin Sərəncamına əsasən Qida Təhlükəsizliyi Agentliyinin yaradılması bu funksiyanın bir orqanda cəmləşməsinə gətirib çıxarıb. “Azərbaycanda qida təhlükəsizliyinin təmin olunması funksiyası bir neçə orqan arasında bölüşdürülmüşdü. Onlardan hər biri işin müəyyən hissəsini yerinə yetirirdi ki, bu da nəzarəti bütünlüklə təmin etməyə imkan vermirdi. Agentliyin yaradılması nəzarəti bir struktur çərçivəsində təmin etməklə yanaşı, həm də məhsul üzərində tarladan istehlakçıya qədər hərəkəti boyunca nəzarəti həyata keçirməyə şərait yaradacaq”, - deyə Heydər Əsədov bildirib. (AZƏRTAC)
Son xəbərlər
- Ötən il idxal edilən 49 əkin və səpin materiallarında zərərli orqanizmlər aşkarlanıb
- 1380 bitkiçilik təsərrüfatında monitorinqlər aparılıb
- Ötən il 13 şirkətin Azərbaycana məhsul ixrac etməsinə müvəqqəti qadağa qoyulub
- Bakıda “Yaşıl dünya naminə” Bitki Sağlamlığı Forumu keçirilir
- Bu məhsullar tökülməsinin qarşısını alır
- Yüksək hemoglobin hansı xəstəlikləri göstəricisidir?