Alma həm dadlı, həm də sağlamlıq üçün çox faydalı bir meyvədir. Lakin bir çox insan onu qabığını soyaraq yeyir. Halbuki elm sübut edir ki, alma qabıqlı yeyildikdə daha çox fayda verir. Bunun bir neçə əsas səbəbi var.
Foodinfo.az almanı qabıqlı yeməyin faydalarını təqdim edir:
- Vitamin və minerallarla zəngindir. Almanın qabığında A, C, K vitaminləri və kalium kimi vacib minerallar yüksək miqdarda olur. Qabığı soymaqla bu faydalı maddələrin böyük hissəsi itir. Məsələn, C vitamininin təxminən yarısı alma qabığında yerləşir.
- Alma qabığı güclü antioksidant olan kversetin və flavonoidlərlə zəngindir. Bu maddələr orqanizmdə sərbəst radikallarla mübarizə apararaq hüceyrələri qoruyur və xərçəng, ürək-damar xəstəlikləri kimi ciddi problemlərin qarşısını almağa kömək edir.
- Qabıqda olan sellüloza və digər liflər həzm sisteminin düzgün işləməsi üçün çox faydalıdır. Lif qəbizliyin qarşısını alır, toxluq hissi yaradır və qan şəkərinin səviyyəsini tənzimləyir. Qabığı soyulmuş alma bu baxımdan xeyli az təsirlidir.
- Dəri sağlamlığına və arıqlamağa kömək edir. Qabıqda olan təbii maddələr dəri hüceyrələrinin yenilənməsinə yardım edir. Həmçinin lifli olduğu üçün alma qabıqlı yeyildikdə aclığı azaldır və artıq çəkinin qarşısını almaqda köməkçi olur.
- Almanın qabığı onu mikroblardan və xarici təsirlərdən qoruyan təbii bir qatdır. Əgər alma düzgün yuyularsa, qabığını yemək heç bir zərər yaratmır, əksinə bədəni daha çox fayda ilə təmin edir.
