Zirə əsrlərdir xalq təbabətində geniş istifadə olunan ədviyyatlardan biridir. Ondan hazırlanmış zirə çayı isə həm ətirli, həm də müalicəvi təsirli içki kimi tanınır.
Zirə çayının tərkibindəki antioksidantlar, dəmir, sink və maqnezium orqanizm üçün bir çox fayda daşıyır.
Foodinfo.az zirə çayının əsas faydalarını təqdim edir:
1. Həzm sistemini tənzimləyir
Zirə çayı mədə turşusunu balanslaşdırır, qaz və köp problemini azaldır. Yeməkdən sonra içildikdə həzm prosesini sürətləndirir və ağır yeməklərin yaratdığı narahatlığı aradan qaldırır.
2. Qəbizliyin qarşısını alır
Təbii tərkibli bu çay bağırsaq fəaliyyətini aktivləşdirir və qəbizlik problemi olanlar üçün faydalı hesab olunur.
3. İmmuniteti gücləndirir
Zirə çayı tərkibindəki antioksidant və minerallar sayəsində bədəni infeksiyalardan qoruyur, soyuqdəymə və qrip riskini azaldır.
4. Qan dövranını yaxşılaşdırır
Dəmir baxımından zəngin olan zirə çayı qanazlığının qarşısını alır, orqanizmdə oksigen daşınmasını gücləndirir və enerjini artırır.
5. Arıqlamağa kömək edir
Zirə çayı yağ yandırılmasını sürətləndirir, orqanizmdəki artıq mayeni atmağa kömək edir və maddələr mübadiləsini tənzimləyir.
6. Menstrual ağrıları azaldır
Qadınlarda menstrual dövrdə içildikdə ağrını və sancını yüngülləşdirir, rahatlıq hissi yaradır.
7. Yuxunu yaxşılaşdırır
Zirə çayı sinir sisteminə sakitləşdirici təsir göstərir, stress və yuxusuzluq problemlərinin qarşısını almaqda faydalıdır.
Zirə çayı hər nə qədər faydalı olsa da, həddindən artıq içildikdə mədə turşuluğunu artıra və təzyiqi aşağı sala bilər. Gündə 1–2 fincan içmək kifayətdir.
