Hipotiroidizm (qalxanabənzər vəzinin zəif işləməsi) zamanı qidalanmanın xəstələrin ümumi vəziyyətinə təsir edir. Qida rasionu xəstəliyi tam müalicə etməsə də, düzgün seçimlər gündəlik enerjini və orqanizmin funksiyalarını dəstəkləyir.

Foodinfo.az xəbər verir ki, hipotiroidizm zamanı yod, selen və sinklə zəngin qidaların qəbuluna diqqət yetirilməsi tövsiyə olunur. Dəniz məhsulları, yumurta, qoz və günəbaxan tumu bu baxımdan faydalı hesab edilir.

Eyni zamanda, təzə tərəvəzlər, meyvələr və tam taxıllı məhsulların orqanizmin ümumi sağlamlığını dəstəklədiyi bildirilir.

Bununla yanaşı, bəzi qidaların həddindən artıq istifadəsinin məhdudlaşdırılması məsləhət görülür. Xüsusilə çiy kələm və brokoli kimi bəzi tərəvəzlərin çox miqdarda qəbulunun uyğun olmadığı qeyd edilir. Şəkərli və çox işlənmiş qidaların da azaldılması tövsiyə olunur.

Həmçinin hipotiroidizmin əsas müalicəsi dərmanlarla aparılır və qidalanma yalnız dəstək xarakteri daşıyır.

Balanslı və düzgün qidalanmanın xəstələrin gündəlik həyat keyfiyyətini yaxşılaşdırmağa kömək etdiyi vurğulanır.