Reyhan şərbəti həm faydalı, həm də rəngi və ətri ilə cəlbedici olan təbii içkidir. Yay aylarında orqanizmi sərinləndirən və susuzluğu aradan qaldıran bu içki həm də bir çox sağlamlıq faydasına malikdir.
Foodinfo.az reyhan şərbətinin faydalarını təqdim edir:
- Həzm sistemini tənzimləyir. Mədəni sakitləşdirir, qıcqırma və köp kimi problemləri azaldır.
- İltihab əleyhinə təsir göstərir. Reyhanın tərkibindəki təbii antioksidantlar orqanizmdəki iltihabı azaldır.
- Sinir sisteminə rahatlıq verir. Stresi və gərginliyi yüngülləşdirməyə kömək edir.
- İmmuniteti gücləndirir. Tərkibində A, C və K vitaminləri, dəmir və kalsium var.
- Ağız qoxusunu aradan qaldırır. Antibakterial xüsusiyyəti ilə ağız içi sağlamlığını dəstəkləyir.
Hazırlanması qaydası və tərkibi:
1. 1 dəstə təzə reyhan (bənövşəyi rəngli)
2. 1 stəkan şəkər (miqdarı zövqə görə azaldıla bilər)
3. 1,5 litr su
4. 1 limonun suyu
Hazırlanması:
Su qaynadılır. İçinə təmizlənmiş reyhan əlavə olunur və 5-7 dəqiqə qaynadılır. Ocaqdan götürüldükdən sonra şəkər və limon suyu əlavə olunur. Limon şirəsi əlavə edildikdə rəngi gözəl bənövşəyi çalara çevrilir. Soyumağa buraxılır, sonra süzülüb soyuducuda saxlanılır.
Reyhan şərbəti təkcə dadlı deyil, həm də sağlamlıq baxımından dəyərli bir içkidir. Süni içkilərə alternativ olaraq həm böyüklər, həm də uşaqlar üçün uyğundur.
