Şokolad dünyanın ən çox sevilən şirniyyat məhsullarından biridir. Foodinfo.az xəbər verir ki, RОSBİOTEX kollecinin müəllimi və şef-konditer İnqa Belyayeva şokoladın əsas və ən vacib tərkibinin kakao yağı olduğunu bildirib.
Ekspert qeyd edib ki, məhsulda kakao yağının mövcudluğu onun təbii və keyfiyyətli olduğunu göstərir. «Kakaonun faizi nə qədər yüksəkdirsə, xüsusilə yetmiş faiz və daha çox olarsa, bir o qədər faydalıdır: antioksidantlar, maqnezium və dəmir ilə zəngindir», – deyə Belyayeva əlavə edib.
O vurğulayıb ki, tərkibində aşağı faizlik kakao olan məhsullar çox vaxt leisitin miqdarının çoxluğu ilə xarakterizə olunur, çünki leisitin şokoladın teksturasını yumşaldır və dadını yaxşılaşdırır.
Belyayeva həmçinin bildirib ki, hidrojənləşdirilmiş yağlar və süni aromatizatorlarla zəngin şokolad məhsullarından uzaq durmaq lazımdır. Belə məhsullar həm dadı pozur, həm də sağlamlığa zərər verə bilər.
Mütəxəssis organic və bean-to-bar markalı şokoladların seçilməsini tövsiyə edib. Bu markirovkalar məhsulun keyfiyyətinə nəzarətin təminatıdır.
O qeyd edib ki, yüksək faizlik kakao yağı yalnız şokoladı dadlı etmək üçün deyil, həm də sağlamlıq üçün faydalıdır. Ürək-damar sistemi, sinir sistemi və enerji balansı üçün müsbət təsir göstərir.
Belyayeva əlavə edib ki, düzgün seçilmiş şokolad gündəlik enerji mənbəyi kimi istifadə oluna bilər və bədəni antioksidantlarla təmin edir.
Mütəxəssis istehlakçılara tövsiyə edir ki, şokolad seçərkən tərkibinə diqqət yetirsin və məhsulun təbii keyfiyyətini qiymətləndirsin.
