Mikrodalğalı sobada qidanın təkrar isidilməsi onun molekulyar strukturunu dəyişdirərək sağlamlıq üçün təhlükəli birləşmələr yaradır. Foodinfo.az RT-ya istinadla xəbər verir ki, diyetoloq və qastroenteroloq Mariyat Muxina bu barədə xəbərdarlıq edib.

Həkim izah edir ki, ət məhsulları, qarğıdalı, makaron və çörək kimi karbohidratlı qidaların təkrar isidilməsi hüceyrələrin mutasiyaya uğramasına səbəb ola bilər. Bu o deməkdir ki, hüceyrələr nəzarətsiz artmağa başlaya bilər və qida təhlükəli hala gələ bilər.

Muxina xüsusilə uşaqlar üçün təhlükəyə diqqət çəkir, çünki onların mədə selikli qişası həssasdır. Mikrodalğalı soba uşaqlarda immun hüceyrələrinə təsir göstərə və qidada olan vitaminləri demək olar ki, tamamilə məhv edə bilər.

Həmçinin, zülallarda amin turşuları mikrodalğalı sobada neyrotoksik təsir göstərə bilər. Həkim vurğulayır ki, zərər sadəcə qidanın isidilməsindən deyil, onun molekulyar strukturunun dəyişməsindən irəli gəlir. Nəticədə, Muxina qeyd edir ki, mədə və bağırsaq xərçəngi halları daha gənc yaşlarda rast gəlinir.