Axşam yeməyinin gec saatlara saxlanılması müasir həyat tərzində geniş yayılıb. Ancaq bu vərdiş sağlamlıq üçün bir sıra risklər yarada bilər. Foodinfo.az xəbər verir ki, gec yemək bədənin daxili bioloji saatı ilə ziddiyyət təşkil edir.

Bu zaman qida maddələrinin sorulması pozulur və metabolik problemlər ortaya çıxır. Xüsusilə insulin həssaslığı azalır, bu da piylənmə və tip 2 diabet riskini artırır. Gec saatlarda yeyilən ağır yeməklər yuxu keyfiyyətini də pozur. Qarında ağırlıq hissi və reflü halları yuxusuzluğa səbəb ola bilər.

Mütəxəssislər axşam yeməyini yatmazdan ən azı iki-üç saat əvvəl yeməyi tövsiyə edirlər. Bu, həm yuxunun, həm də həzmin yaxşı olmasına yardımçı olur. Axşamlar daha yüngül, zülal və liflə zəngin qidalar seçilməlidir. Gec nahar edənlərdə hormonal dəyişikliklər və enerji balansı pozula bilər. Bu vərdiş uzunmüddətli sağlamlıq problemlərinə yol aça bilər.