Yuxu rejiminin pozulması ürək sağlamlığı üçün ciddi təhlükə yaradır. Foodinfo.az xəbər verir ki, amerikalı kardioloq Dr. Michael Greger “Medical News Today” portalına verdiyi açıqlamada, gündə 6 saatdan az yatmağın ürək xəstəlikləri riskini əhəmiyyətli dərəcədə artırdığını bildirib.
Onun sözlərinə görə, yuxu zamanı bədən toksinlərdən təmizlənir və ürək damarlarının sağlamlığı qorunur. Həkim qeyd edib ki, yaxşı yuxu üçün yatmazdan əvvəl elektron cihazlardan uzaq durmaq və rahat mühit yaratmaq vacibdir.
Dr. Greger həmçinin, stressi azaltmağın və nizamlı fiziki aktivliyin ürək sağlamlığına müsbət təsir etdiyini vurğulayıb.
