Qulaq tıxaclarından davamlı istifadə müəyyən risklər yarada bilər. Foodinfo.az bildirir ki, bu barədə Elmi-Tədqiqat İnstitutunun direktoru, tibb elmləri doktoru Konstantin Dobretsov açıqlama verib. Onun sözlərinə görə, tıxaclar səs-küydən qorunmağa və rahat yuxuya kömək etsə də, uzun müddət istifadə sağlamlığa mənfi təsir göstərə bilər.

Mütəxəssis ilk olaraq qulaq keçəcəyində hava dövranının pozulduğunu vurğulayıb. Tıxac qulaq daxilində temperaturu və rütubəti dəyişir, bu isə bakteriya və göbələklərin çoxalması üçün əlverişli şərait yaradır. Nəticədə xarici otit kimi iltihabi xəstəliklər meydana çıxa bilər.

İkinci risk isə kükürd ifrazının artmasıdır. Qulaqda yad cismin olması vəziləri daha aktiv işləməyə məcbur edir və kükürd tıxacları əmələ gəlir. Bu, xüsusilə qulaq çubuqlarından tez-tez istifadə edən insanlarda daha çox rast gəlinir.

Üçüncü təhlükə gigiyena ilə bağlıdır. Təmizlənməyən və ya başqası ilə paylaşılan tıxaclar mikrob mənbəyinə çevrilə bilər.

Dobretsov qulaq tıxaclarından tamamilə imtina etməyi vacib saymır. O, sadəcə onların düzgün istifadə edilməsini, mütəmadi təmizlənməsini, paylaşılmamasını və uzunmüddətli istifadədən qaçmağı tövsiyə edir.