Emal olunmuş qırmızı ət məhsullarının — kolbasa, sosiska, bekon və digər tüstülənmiş məhsulların — xərçəng riskini artırdığı müəyyən edilib. Bu məhsulların tərkibinə əlavə olunan nitrit və nitratlar orqanizmdə nitrozaminlərə çevrilərək bağırsaq hüceyrələrinin DNT-sinə zərər verə bilər. Foodinfo.az NEWS.ru saytına istinadla xəbər verir ki, mütəxəssislər gündəlik 50 qram emal olunmuş ət məhsulunun xərçəng riskini təxminən 18% artırdığını bildirirlər.

Həkim gastroenteroloq Elena Pavlova qeyd edib ki, hətta donuz, qoyun və mal əti “yəqin ki, kanserogen” qrupuna daxildir və təsirləri mübahisəlidir. Məhsulların rəngini artırmaq üçün əlavə olunan hem dəmiri mədə-bağırsaq sistemində oksidləşmə stresini gücləndirir. Həmçinin, tüstüləmə zamanı əmələ gələn politsiklik aromatik hidrokarbonlar mutagen təsir göstərir və orqanizmdə zərərli ola bilər.

Pavlova tövsiyə edir ki, xərçəng riskini azaltmaq üçün bu növ məhsullar həftədə iki-üç dəfədən çox istehlak edilməməlidir. Eyni zamanda, pəhrizə liflə zəngin yeməklər daxil etmək bağırsağın sağlamlığını dəstəkləyir və ümumi riskləri azaldır. Bu yanaşma həm mədə-bağırsaq, həm də digər orqanların sağlamlığını qorumağa kömək edir.