Duzlu və turşuya qoyulmuş qidaların hər kəs üçün uyğun olmadığı uzun müddətdir mütəxəssislərin diqqətindədir. Foodinfo.az Sports.kz-yə istinadla xəbər verir ki, dietoloq Anastasya Lebedeva bəzi insanların bu qidalardan tam çəkinməli olduğunu bildirib.
Onun sözlərinə görə, mədə-bağırsaq sistemi xəstəlikləri olan şəxslər üçün bütün növ duzlu və turşuya qoyulmuş məhsullar zərərli sayılır. Bu siyahıya duza qoyulmuş xiyar və pomidor, sarımsaq, tərəvəz kürüləri və bankada hazırlanan müxtəlif qarışıqlar daxildir. Mütəxəssis qeyd edib ki, belə qidalar selikli qatı qıcıqlandırdığı üçün xəstəliyin gedişini ağırlaşdıra bilər.
Lebedeva xüsusilə qastrit, mədə və onikibarmaq bağırsaq yarası, eləcə də mədəaltı vəzin iltihabı kəskinləşən dövrlərdə bu məhsulların qətiyyən istifadə edilməməli olduğunu vurğulayıb. Onun fikrincə, həmin vaxtlarda acılı, qızardılmış və hisə verilmiş yeməklər də eyni şəkildə zərər göstərir.
Sağlam insanların isə duzlu qidalardan həftədə 2–3 dəfə, o da əsas yeməyə əlavə kimi istifadə etməsi məsləhət görülür. Mütəxəssis gündəlik normanın 1–2 orta ölçülü tərəvəzi keçməməli olduğunu bildirib.
