Ukraynadan taxıl daşıyan gəmilərin yola salınması davam edir

Ukraynadan İrlandiyaya gedən və 33 min ton qarğıdalı daşıyan Panama bayraqlı NAVISTAR gəmisi Odessa limanından yola düşüb.

Foodinfo.az xəbər verir ki, 13 min ton qarğıdalı daşıyan ikinci gəmi Ukraynadan İngiltərəyə getmək üçün Çernomorsk limanından yola düşüb.

Ukraynanın Çernomorsk limanında gözləyən Türkiyə bayraqlı POLARNET gəmisi də Karasuya gəlmək üçün yola düşüb. 12 min ton qarğıdalı daşıyan gəmi Karasuya çatmazdan əvvəl İstanbulun şimalında Müştərək Təftiş Qrupu tərəfindən yoxlanılacaq.