Müalicəvi SOĞAN çayının faydaları

Foodinfo.az  The Health Site portalına istinadla bildirir ki, qida mütəxəssislərinin fikrinə görə, adi soğandan çox faydalı və müalicəvi çay hazırlamaq olar.

Soğan güclü virus, iltihab və mikrobəleyhinə təsirə malikdir. Soyuq fəsillərdə soğan çayı immun sistemini möhkəmləndirir, virus infeksiyalarından qoruyur, öskürək zamanı kömək edir.

Həmçinin soğan çayı qanda xolesterinin və şəkərin səviyyəsini aşağı salır, damarların sağlamlığını qoruyur, təzyiqi salır, qanı duruldur və bununla da damarlarda trombların əmələ gəlməsininin qarşısını alır.

Maraqlıdır ki, soğan çayı həm də yaxşı sakitləşdirici təsirə malikdir, orqanizmdə ümumi stressin səviyyəsini aşağı salır, yuxu problemləri zamanı yardım edir.

Soğan çayının hazırlanması:

Kiçik baş soğan götürün, qabıqlarını soyun, xırda doğrayın, üzərinə 1 stəkan isti su əlavə edin, vam odda bir neçə dəqiqə saxlayın. Sonra soyudun, bir az bal və darçın əlavə edin. Çayı gündə 1 dəfə ilıq halda için.