NASA astronavtı kosmosda torpaqsız bitki yetişdirdi

NASA-nın uçuş mühəndislərindən biri olan Jessica Vatkins Beynəlxalq Kosmik Stansiyada torpaqdan istifadə etmədən bitki yetişdirməkdə uğur qazanan ilk astronavt olub.

Foodinfo.az xarici KİV-ə istinadən xəbər verir ki, o, “XROOTS” adlı sistemin köməyi ilə kosmik tərəvəzlər yetişdirib.

“XROOTS təcrübəsi fevral ayında başladılıb və 4-6 ay ərzində ilk məhsullarını verib.

Toxumların inkişafının başlanğıcından məhsul yığımına qədər sistemdə yalnız hidroponik və aeroponik üsullardan istifadə edilib.

Qeyd edək ki, “hidroponika” torpaqdan istifadə etmədən suda minerallarla bitki yetişdirmək, “aeroponika” isə havada və ya dumanda oxşar şəkildə böyümək deməkdir.

NASA rəsmiləri “Sierra Space” adlı özəl şirkət tərəfindən hazırlanan sistemin eksperimental olduğunu vurğulayıblar.