Azərbaycan Gürcüstandan mal-qara idxalını azaldıb

Bu ilin yanvar ayında Gürcüstandan Azərbaycana ümumi dəyəri 567,72 min ABŞ dolları olan 333,48 ton diri iribuynuzlu mal-qara ixrac olunub.

Foodinfo.az “Report”-a istinadən  xəbər verir ki, bu barədə Gürcüstanın Milli Statistika İdarəsindən bildirilib.

Məlumata əsasən, məhsulun həcmində illik müqayisədə 4,21 ton azalma qeydə alınıb.

Ötən ay Azərbaycan qonşu ölkədən 70,41 min ABŞ dolları dəyərində 51,9 ton diri qoyun və keçi də idxal edib. 2020-ci ilin yanvar ayında Gürcüstandan Azərbaycana bu məhsulun ixracı həyata keçirilməyib.