Qarında köp, qaz və qıcqırmanın 7 SƏBƏBİ

Qarında meteorizm – yəni həddən artıq köp bəzilərinin düşündüyü kimi normal hal deyil.

Sağlam və düzgün qidalanan insanın qarnında şişkinlik, köp və ağırlıq olmur.

Foodinfo.az medicina.az-a istinadla bildirir ki, Azərbaycanda 90% insanların əziyyət çəkdiyi bu halı yaradan səbəbləri təqdim edir.

1. Siz şirin qidaları düzgün yemirsiniz

Məsələn, günorta, axşam yeməyindən, xüsusən ət xörəyindən sonra meyvə, şirin su, qəhvə, şirniyyat yeyirsiniz.

Bu yanlış fikirdir ki, bu qidalar yeməkdən sonra yeyilməlidir.

Mədəyə yağ, zülal qidaları düşdükdə, o bu tərkibə uyğun çalışır. Yenidən onu şirniyyatla yükləmək bağırsaqlara gedən qidanın pis həzm olunmasına, qıcqırma, çürüməyə səbəb olur.

Yeməkdən sonra yediyiniz meyvə, şirniyyat daha tez 40 dəqiqəyə həll olub mədədən çıxır, amma öncə yediyiniz ət yeməkləri hələ də mədədə qalır. Bu həzmi pozur, köp yaranır. Desertləri ayrıca vatxda, ara yeməkləri kimi yeyin.

2. Paxlalıları bişirməzdən öncə islatmırsınız

Noxud, lobya, mərci və s. paxlalıları çox istifadə edirsizsə, onla bişirməzdən öncə islatmırsınız. Köpü olan insanlar ümumiyyətlə bu qidalardan uzaq durmalıdır. Hər mədə və mədəaltı vəz paxlanı həll edəcək fermentə malik deyil. Orqanizmi buna alışdırmaq lazımdır. Bunun üçünsə bütün paxlalıları suda isladıb, qazını çıxarıb, bişirin. Yaxşı olar ki, gecədən islağa qoyasız.

3. Yeməyi yaxşı və çox çeynəmirsiniz

Tez-tez, ayaqüstü, iri tikələri çeynəmədən tələsik udan insanların daim köpü olur.

Yemək ağızda ən azı 20 saniyə qalıb, ağız suyu ilə islanıb, duru hala düşüb mədəyə keçməlidir. Bu prosesə nəzarət etmək lazımdır. Çünki qida ağızda parçalanır, fermentlər ağız suyunda olur.

4. Ağır zülallı qidaları kartof püresi və ya un məmulatı ilə qarışdırırsız

Bunlara mantı, xəngəl, pelmeni, pirojki, müxtəlif içlikli xəmir piroqları aiddir. Pürenin üzərində toyuq, mal əti də yanlış seçimdir. Bu yeməklərdən sonra qarında dəhşətli köp və ağırlıq qaçılmazdır.

5. İsti yeməyi soyuq içki ilə yeyirsiniz

Bu da köp yaradır. Soyuq içki mədə-bağırsağın spazmını artırır. Yemək yeyəndə ilıq maye için.

6. Çox yeyib, az hərəkət edirsiniz

Oturaq işdə çalışanlarda çox zaman köp problemi olur.

7. Öd yaxşı işləmir

Öd kisəsi normada öd ifraz etmədikdə və bağırsaqlara kifayət qədər öd daxil olmadıqda, yemək uzun müddət orda həll olmamış qalır, köpür, şişir, qıcqırır. Eləcə də köp müxtəlif bağırsaq xəstəlikləri, qastrit, öddə daş, orqanizmdə qurd, parazit və disbakteriozda da əlavə simptomdur. Bunları həkimlə birgə tapıb müalicə etmək lazımdır.