Koronavirus (COVID-19) pandemiyası ilə əlaqədar bal yarmarkaları təxirə salınıb

Koronavirus (COVID-19) pandemiyası və cəbhədəki vəziyyətlə əlaqədar bu il Bakıda Arıçılıq Məhsullarının Sərgi-Satış Yarmarkasının keçirilməsi təxirə salınıb.

Foodinfo.az-ın məlumatına görə, bunu “Report”a açıqlamasında Azərbaycan Arıçılar Assosiasiyasının İdarə Heyətinin sədri Bədrəddin Həsrətov bildirib.

Bununla belə, onun sözlərinə görə, rəhbərlik etdiyi qurum yarmarkanın keçirilməsində maraqlıdır və bununla bağlı təkliflərini müvafiq dövlət qurumlarına təqdim edib: “Qarşıdakı istənilən ayda yarmarka keçirilsə, arıçılar müştəriləri lazımi qədər məhsulla təmin etməyə hazırdır”.

Assosiasiya sədri onu da qeyd edib ki, bu il arıçılıqda məhsuldarlıq ötən illə müqayisədə yüksək olub: “Bu il arıçılar ötən illə müqayisədə 20% çox – 6 min ton bal istehsal edib”.