Yaponiya dörd koronavirus peyvəndini sınaqdan keçirir

Yapon şirkətləri hazırda yeni koronavirus üçün dörd peyvəndin preklinik sınaqlarını keçirirlər.

Foodinfo.az xəbər verir ki, bunu Ümumdünya Səhiyyə Təşkilatının (ÜST) Qərbi Sakit Okean bölgəsindəki nümayəndəsi doktor Sokorro Eskalante onlayn mətbuat konfransı zamanı açıqlayıb.

Eskalante Avstraliya, Çin, Sinqapur və Yaponiya da daxil olmaqla, bir sıra ölkələrin istehsal gücü çatmadığı təqdirdə dünyanın bu hissəsindəki digər ölkələrə kömək etmək istədiklərini bildirib.

ÜST-ün məlumatına görə, hazırda dünyada 26 peyvənd klinik sınaqlardan keçir.