İmişlidə qısa müddətdə 9 min tona yaxın arpa tədarük olunub

İmişlidə taxıl biçininə start verilib. Qısa müddətdə 9 min tona yaxın məhsul tədarük edilib. Biçin üçün zəmilərə 45 kombayn cəlb edilib.

Fins.az xəbər verir ki, rayonda ilkin mərhələdə arpa sahələri biçilir. İmişli Dövlət Aqrar İnkişaf Mərkəzinin direktoru Səlim Məhərrəmovun sözlərinə görə, bu il rayon üzrə 17151 hektar sahədə taxıl becərilib. Sahələrin 7062 hektarını arpa, 10089 hektarını isə buğda təşkil edir. Biçin işlərinin vaxtında və itkisiz başa çatdırılması üçü rayon üzrə qərargah yaradılıb. Arpa sahələri tam biçildikdən sonra buğda məhsulunun tədarükünə start veriləcək.