“Araz” marketdən alınan ət xarab çıxdı – Foto

Paytaxtın Sabunçu rayonunun Ramana qəsəbəsində fəaliyyət göstərən “Araz” marketdə müştəriyə xarab ət satılıb.

Foodinfo.az xəbər verir ki, bu barədə sosial şəbəkədə qeyd edilib. Fotosu paylaşılan dana ətinin Şuşa şəhərciyində yerləşən “Araz” marketdən alındığı bildirilib.

Məsələ ilə bağlı saytımıza açıqlama verən “Araz” supermarketlər şəbəkəsinin PR meneceri Billurə Əmirova bildirib ki, bununla bağlı məsul şəxslərə artıq məlumat verilib:

“Marketlərimizə ət ölkənin ən yaxşı heyvan bazarı hesab edilən Bərdə və Ağcabədi mal bazarından gətirilir. Kəsimi və saxlanma şəraiti gigiyenik qaydalara və standartlara uyğun şəkildə həyata keçirilir. Vətəndaşın rastlaşdığı məsələ ilə bağlı araşdırma aparılır”. (axar.az)