AQTA əməkdaşları Ağdam rayonunda soğan anbarlarında monitorinqlər keçirib

Azərbaycan Respublikasının Qida Təhlükəsizliyi Agentliyi (AQTA) respublika ərazisində fitosanitar vəziyyətin müəyyənləşdirilib qiymətləndirilməsi məqsədilə fitosanitar müşahidələri davam etdirir.

Foodinfo.az xəbər verir ki, Agentliyin əməkdaşları Ağdam rayonu Mahrızlı və Çəmənli kəndlərində soğan anbarlarında monitorinqlər keçiriblər.

Məhsulun anbarlarda ziyanverici və xəstəliklərlə sirayətlənməsinin qarşısını almaq üçün fermerlərə müvafiq təlimat və tövsiyələr verilib.

Bildirilib ki, anbar və saxlanc yerlərində saxlanılan soğanda əsasən bakterial xəstəliklərdən sirayətlənmə baş verə bilir. Agentlik mütəxəssisləri bununla bağlı fermerlərə metodiki göstərişlər və tövsiyələr veriblər.