Konfetin içindən iynə çıxdı

Ölkəmizdə istehsal olunan qida məhsullarının içərisində yad cisimlərin çıxması ilə bağlı mətbuat və sosial şəbəkələrdə şikayətlərə rast gəlinir.

Bəzən ərzaq məhsulunun içərisindən şüşə, dəmir çıxır ki, bu da insan orqanizminə ciddi təhlükə yarada bilər.

Bu dəfə Kamran Əli adlı Bakı sakini bu cür halla rastlaşdığını bildirib.

O, “Elvan” şirkətinin istehsalı olan “Toffix” konfetinin içindən iynəyə bənzər dəmir parçası çıxması haqqında sosial şəbəkədə məlumat yayıb.

Kamran Əli bildirir ki, iynədən incə dəmir parçasını son anda boğazından çıxarıb.

Şirkətdən verilən məlumatda isə “Toffix” konfetlərindən dəmir çıxmasının təəccüblü olduğu bildirilib: “Bazarda həmin məhsulun saxtası və bənzəri çoxdur. Biz məhsullarımızın keyfiyyətinə bələdik”. (Cebhe.info)

Tarix: / Foodinfo