Yağlı süd məhsulları ömrü uzadır

Foodinfo:

Mütəxəssislər pəhriz saxlayanların kaloriləri süd məhsullarının daha az yağlılarından istifadə etməklə azaltmalarının yanlış olduğunu bildiriblər. Belə ki, süddən hazırlanmış qidaların daha yağlıları ömrü 25 faiz uzatmağa kömək edir.

Mütəxəssislər bu qənaətə 21 ölkədən olan 130 nəfərin iştirak etdiyi tədqiqatların

nəticəsində gəliblər. Alimlərin fikrincə, yüksək kalorili süd məhsulları ürək-damar xəstəliklərinin qarşısını alır. Bu məhsulların arasında orqanizmə ən müsbət təsir göstərən isə yağlı süd və yoqurtlardır. Daha yağlı süd qidaları ürək patologiyalarından qorumaqla ömrü 25 faiz uzatmağa kömək edir. Alimlər bütün pəhriz saxlayanları kaloriləri süd məhsullarının deyil, digər qidaların hesabına azaltmağı məsləhət görürlər. Bu, karbohidratlar və ya qırmızı ət ola bilər.

Az kalorili süd məhsullarına keçmək xüsusilə yaşlı insanlar üçün təhlükəli ola bilər. (Azərtac)