Azərbaycan Ukraynadan 2,5 min ton kartof idxal edib

Azərbaycan 2017-ci ildə Ukraynadan 2,5 min ton kartof idxal edib.

Bu barədə Ukraynanın Ərzaq və Aqrar Siyasət Nazirliyinin mətbuat xidməti məlumat yayıb.

Bildirilir ki, Ukraynadan Azərbaycana ixrac edilən kartof məhsulunun dəyəri 242 min dollar təşkil edib.

Azərbaycan ötən il ixrac edilən məhsulun həcminə görə Belarus (10,5 min ton və ya 2,6 mln. dollar) və Moldovadan (4 min ton və 0,5 mln. dollar) sonra üçüncü yerdə qərarlaşıb. (Report)