Ramiz Həsənov: “Qida Təhlükəsizliyi Agentliyi müəyyən sertifikat verəcək…”

Standartlaşdırma, Metrologiya və Patent üzrə Dövlət Komitəsinin nəzdindəki sertifikatlaşdırma qurumları fəaliyyətlərini davam etdirəcəklər.

Foodinfo.az xəbər verir ki, bu barədə komitənin sədri Ramiz Həsənov jurnalistlərə açıqlamasında deyib.

“Qida Təhlükəsizliyi Agentliyi müəyyən sertifikat verəcək ki, bu, uyğunluq deyil, təhlükəsizlik sertifikatıdır. Həmin sertifikat dövlət yeyinti sahəsində məhsulların təhlükəsizliyinə təminat verəcək”, – deyə komitə sədri qeyd edib.

R.Həsənov, eyni zamanda, halal məhsulların sertifikatlaşdırılması qurumlarının da qalacağını deyib.