“Bismak” görünüşünü yenilədi

Loqo 3 vizual formada təqdim olunur

Azərbaycanın yerli markası olan “Bismak” rebrendinqini təqdim edib. Foodinfo.az xəbər verir ki, rebrandinq etməkdə əsas  məqsəd istehlakçılar ilə münasibətlərin yeni mərhələsinə çıxmaq, əlavə müştərilərin diqqətini cəlb etmək, artıq qazanılan müştərilərin loyallığını artırmaqdır.

Yenilənmiş loqotipin elementləri bir sıra məlumatları özündə əks etdirir. Öncədən arxa planı oval – yuvarlaq olan loqonun modern cizgilərlə kvadrat formada olan və hər kənarı Bismakın Güclü, Keyfiyyətli, Uğurlu və Tanınmış kimi əsas prinsiplərinə işarə edən amillər  daha da təkmilləşdirilərək aşağıdakı kimi vurğulanıb:

Güclü və Müasir (Strong & Be Modern)

Keyfiyyətli və Təbii (Qualitative & Be Fresh )

Uğurlu və Daim yenilənən (Recognizable & Be Trendy)

Tanınmış və Əla  (Successful & Be Cool)

Loqotipin “B” hərfi Bismak markasının ilk hərfinə işarə edir. “!” ilə isə yeni loqonu daha da əminliklə pozitiv bir formada  vurğulamaq istədik. Eyni zamanda “İ”  hərfinin daha modern şəkildə təqdim olunmuş versiyasıdır.

Loqo 3 vizual formada təqdim olunur:

Əsas məhsulların üst tərəfində təqdim olunan loqo

Qutu və qablaşdırmaların arxa tərəfində şaqüli şəkildə təqdim olunan loqo

Qutu və ambalajların arxa tərəfində üfüqi şəkildə təqdim olunan loqo

Yenilənmiş loqo ilə bərabər Bismak yeni sloqanı ilə fərqli mesaj vermək qərarına gəlib.

Möcüzələr yaradır → Bizi Birləşdirən Bir Dad!

Loqotipin yeni cizgisi ilə sizə eyni “Bismak” adının anlamını verərkən,  qırmızı rəngi ilə pozitiv enerji verən, iştah açan bir marka olduğunu yansıtmaq istədi.

Foodinfo.az

Tarix: / Foodinfo